వలేటివారిపాలెంలో సీసీ రోడ్డుకు శంకుస్థాపన

 

వలేటివారిపాలెంలో సీసీ రోడ్డుకు శంకుస్థాపన

హాజరైన మాజీమంత్రి దేవినేని ఉమా, ఎమ్మెల్యే ఇంటూరి నాగేశ్వరరావు

వలేటివారిపాలెం, సెప్టెంబర్ 29: పల్లె పండుగ–3.0 కార్యక్రమంలో భాగంగా వలేటివారిపాలెం గ్రామంలో సీసీ రోడ్డు నిర్మాణ పనులకు టీడీపీ సీనియర్ నాయకులు, మాజీమంత్రి దేవినేని ఉమామహేశ్వరరావు, కందుకూరు ఎమ్మెల్యే ఇంటూరి నాగేశ్వరరావు మంగళవారం శంకుస్థాపన చేశారు.

గ్రామంలోని మెయిన్ రోడ్డు నుంచి సచివాలయం వరకు రూ.20 లక్షల వ్యయంతో ఈ సీసీ రోడ్డును నిర్మించనున్నారు.

ఈ సందర్భంగా ఎమ్మెల్యే ఇంటూరి నాగేశ్వరరావు మాట్లాడుతూ పల్లె పండుగ–3.0 కార్యక్రమం ద్వారా కందుకూరు నియోజకవర్గంలో మొత్తం 131 పనులకు రూ.26.58 కోట్లు మంజూరైనట్లు తెలిపారు.

మండలాల వారీగా మంజూరైన నిధులు, పనుల వివరాలు ఇలా ఉన్నాయి:

• కందుకూరు మండలం: 22 పనులకు రూ.6.46 కోట్లు
• వలేటివారిపాలెం మండలం: 32 పనులకు రూ.5.05 కోట్లు
• లింగసముద్రం మండలం: 36 పనులకు రూ.7.69 కోట్లు
• గుడ్లూరు మండలం: 25 పనులకు రూ.4.52 కోట్లు
• ఉలవపాడు మండలం: 16 పనులకు రూ.2.85 కోట్లు

గ్రామీణ ప్రాంతాల్లో మౌలిక వసతుల అభివృద్ధికి పల్లె పండుగ–3.0 కార్యక్రమం ద్వారా ప్రాధాన్యత ఇస్తున్నట్లు ఎమ్మెల్యే పేర్కొన్నారు.

ఈ కార్యక్రమంలో మండల టీడీపీ అధ్యక్షులు మాదాల లక్ష్మీనరసింహం, గ్రామ పార్టీ అధ్యక్షుడు కాకుమాని ఆంజనేయులు, పార్టీ నాయకులు కాకుమాని హర్ష, వలేటి నరసింహం, గుత్తా మహేశ్వరరావు, తిరుపతయ్య, మధు, కొండయ్య, అంజయ్య, తిరుపతిస్వామి, బూదాల మనోజ్, మాజీ సర్పంచ్ సాదు శ్రీలత, బత్తుల సుబ్బారావు, నెల్లూరు పార్లమెంట్ ఉపాధ్యక్షులు ఉన్నం వీరాస్వామి, ఒంగోలు డైరీ మాజీ చైర్మన్ చల్లా శ్రీనివాసరావు తదితరులు పాల్గొన్నారు.